Американската тенисерка Тејлор Таунсенд се извини откако предизвика критики на социјалните мрежи за нејзините коментари за храната во Кина пред финалето на Купот „Били Џин Кинг“.

Таунсенд објави видеа од вечерата на „Инстаграм“, во кои коментираше јадења како жаби и желки, шегувајќи се дека „ќе мора да разговара со човечки ресурси“.

По реакцијата, спортистката јавно се извини.

  • Сакам искрено, од срце, да се извинам. Сфаќам колку сум привилегирана што сум професионална спортистка и што можам да патувам низ светот и да доживувам културни разлики, што е нешто што го сакам во мојата работа. Моето искуство овде во Кина беше прекрасно, сите беа љубезни и гостопримливи, а она што го кажав воопшто не го одразува тоа, напиша Таунсенд.

Американката првично ја оцени храната со „два од десет“ и изрази шок од она што го виде во менито.

  • Ова е најлудата работа што сум ја видела во животот… Треба да разговарам со човечки ресурси. Луѓето навистина го јадат ова… Тие буквално убиваат жаби, крастави жаби… Не се ли отровни? Не предизвикуваат ли брадавици и чиреви? А тука се готват со чили, пиперки и кромид. Сè на сè, на ова би му дала солидна двојка, додаде Американката.

 

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ