Дури 4 илјади работни места авиокомпанијата „Луфтханза“ ќе укине до 2030 година, како дел од планот за зголемување на профитабилноста. Укинувањата на работните места пред сè ќе биде во Германија и во администрацијата, додека нема најави за во оперативните позиции. Тоа ќе биде најголемо намалување на работната сила од пандемијата Ковид-19 и ќе биде спроведено во консултации со социјалните партнери.
Групацијата „Луфтханза“ неодамна имаше околу 103.000 вработени. Компанијата сега се стреми кон оперативен профит, усогласена заработка пред каматите и даноците (ЕБИТ), од осум до 10 проценти од приходите, во споредба со претходната цел од осум отсто.
За оваа година, менаџментот изјави дека очекува усогласената ЕБИТ значително да ги надмине минатогодишните 1,6 милијарди евра.
Групацијата Луфтханза управува и со три авиопревозника – швајцарската „Свис ерлајнс“ австриската „Аустриан ерлајнс“и „Бриселс ерлајнс“, а и има малцински удел во италијанската „ИТА“.
ИЗДВОЕНИ
Македонска репрезентативка влезе во ВНБА-финале и собори рекорд во најсилната лига
ГОРАН МАРКОВСКИ, НЕЗАВИСЕН КАНДИДАТ ЗА ГРАДОНАЧАЛНИК НА ГРАД СКОПЈЕ: Стоп за деструктивната градежна еуфорија и нарачани ДУП-ови
Обвинението за „Пулс“ ќе биде оценето до крајот на неделата
Почетокот на октомври невообичаено студен: Во Македонија се очекува првиот мраз и температури под нулата
