Љубопитност, но и страв: Визиите на Баба Ванѓа за 2026 предвидуваат драматични настани, клучен е ноември!

На прагот сме на новата 2026 година, и многумина, со мешавина од љубопитност и страв, ги реинтерпретираат енигматските пораки на Баба Ванѓа, слепата бугарска мистичарка. Иако почина во 1996 година, нејзините „предвидувања“, честопати криптични и отворени за дискусија, продолжуваат да интригираат.

Нејзините „визии“ за претстојната година се ажурирани, а најшокантна е онаа што зборува за „човечки контакт со нова цивилизација“ во ноември. Според ова „предвидување“, на Земјата ќе пристигне „огромен вселенски брод“, што би означило историски момент за човештвото, објавува Дејли Меил. Од друга страна, научниците се скептични во врска со каков било директен контакт, бидејќи не се пронајдени докази за постоење на вонземјани.

„Бран природни катастрофи“

Друго „предвидување“ се однесува на можна Трета светска војна, бидејќи Баба Ванѓа наводно предупредила на зголемување на тензиите меѓу големите светски сили, вклучувајќи ги Кина, Русија и САД.

Една од нејзините најцитирани „визии“ вклучува бран „катастрофални природни непогоди“.

Наводно, таа зборувала за разорни земјотреси, вулкански ерупции и екстремни временски услови што би „влијаеле на околу осум проценти од површината на планетата“.

Не оставила пишани записи

Баба Ванѓа, која почина во 1996 година, наводно имала и визии за светски пресвртници, како што се „крвни тестови за откривање на рак“ и „потрага по енергија во вселената“.

Не оставила пишан запис за своите „предвидувања“. Повеќето извештаи доаѓаат од нејзината внука или следбеници кои ги документирале наводните „визии“ и кои честопати биле обвинети за погрешно толкување на она што таа го кажала.

Баба Ванѓа го изгубила видот на 12-годишна возраст, што се совпаднало со појавата на нејзините наводни психички способности.

Со текот на времето, таа станала позната низ целиот свет, додека научниците предупредуваат дека нејзините „предвидувања“ се шпекулативни и не се засновани на факти.