Актуелниот шампион на Англија, тимот на Ливерпул, потроши околу 500 милиони евра за трансфери минатото лето, но дури ни тоа не им помогна да бидат лидери оваа сезона во Премиер лигата.
На „Енфилд“ пристигнаа Александар Исак, Флоран Вирц, Милош Керкез, како и Џереми Фримпонг и Хуго Екитике.
Од сите нив, единствениот што вреди да се издвои е Екитике, кој пристигна за 75 милиони евра од Ајнтрахт и кој постигна 11 гола во 24 натпревари за „црвените“.
Сепак, нивната одбрана на титулата во Премиер лигата не оди според планот бидејќи моментално се на четвртото место со 14 бода зад лидерот, Арсенал.
Првиот вистински трансфер на Ливерпул во јануарскиот преоден рок сè уште се чека. „Црвените“ веќе доведоа едно засилување, а тоа е сенегалскиот дефанзивец Мора Тала Ндијаје.
Неофицијално, Ливерпул подготвуваат трансфер кој несомнено би ги воодушевил сите навивачи на тимот од „Енфилд“.
Според шпанскиот весник „Фичајес“, раководството на Ливерпул сака да го доведе англискиот репрезентативец и играч од средниот ред на Реал (М), Џуд Белингам.
Ливерпул наводно подготвил понуда од дури 180 милиони евра за да го доведе во своите редови. Играчот за врска е под договор со Реал (М) до летото 2029 година и многу е тешко да се очекува дека ќе го пуштат.
Влијанието што Белингам го има во соблекувалната на Реал (М) е огромно и прашањето е како би донеле замена за таков фудбалер. Џуд постигна 43 гола и додаде 32 асистенции во 122 натпревари за Реал (М) откако пристигна од Борусија Дортмунд во 2023 година.
ИЗДВОЕНИ
Постигнат договор: Измените во Законот за прекршоци најверојатно ќе се изгласаат утре за да „Сејф сити“ стартува од 1 февруари
Американска рампа за Балканот: Што го урна визниот систем?
КОНСТРУКТИВНА ЛИДЕРСКА СРЕДБА БЕЗ ОПОЗИЦИСКАТА СДСМ: Пржинската влада се укинува, но не на следните избори?
Станува ли „Мој ДДВ“ скапа играчка за државата?
