Лекцијата на Санчез до арапските владетели: Немаме нуклеарно оружје ниту нафта за да го запреме Израел, но нема да се откажеме

Шпанскиот премиер Педро Санчез изјави дека иако неговата земја нема нуклеарно оружје, носачи на авиони или големи резерви на нафта, ги користи сите расположливи механизми за да се обиде да ја запре израелската офанзива врз Газа, каде што бројот на убиени Палестинци надмина 64.000 според Министерството за здравство.

„Шпанија, како што знаете, нема нуклеарни бомби, носачи на авиони или големи резерви на нафта. Не можеме сами да ја запреме израелската офанзива. Но, тоа не значи дека нема да продолжиме да се обидуваме. Бидејќи постојат цели за кои вреди да се бориме, дури и кога нивното постигнување не зависи само од нас“, рече Санчез.

Премиерот потсети на мерките што Шпанија ги усвои во последните две години за да изврши притисок врз владата на израелскиот премиер Бенјамин Нетанјаху и да ги ублажи страдањата на цивилите во Газа.

Тие вклучуваат прекин на продажбата на воена опрема на Израел, зголемена хуманитарна помош за Газа и неодамнешното признавање на државата Палестина.

Spain's Prime Minister Pedro Sánchez:

Spain does not have nuclear bombs, aircraft carriers or large oil reserves.

We alone cannot stop the Israeli offensive. But that doesn't mean we are going to stop trying.

Because there are causes that are worth fighting for, even if… pic.twitter.com/sVZaCPie9m

— Clash Report (@clashreport) September 11, 2025