Д-р. Неена Чандрасекаран, специјалист за белодробна и критична медицина со седиште во Флорида, предупреди дека содата и енергетските пијалоци можат „да придонесат за губење на косата и анксиозност кај мажите“.
Во видеото што го сподели на Тик Ток, таа објасни дека таквите производи често се „полни со шеќер“ и адитиви кои можат да „го нарушат рамнотежата на хормоните во телото“.
„Високата содржина на кофеин може да го зголеми нивото на кортизол, хормонот на стресот, додека вишокот шеќер е поврзан со слаба циркулација и воспаление, што може да ги ослаби фоликулите на косата и да го зголеми губењето на косата“, објасни др. Чандрасекаран.
„Комбинацијата на висок кортизол и шеќер може да го влоши чувството на анксиозност и да го престимулира нервниот систем. Зголемениот стрес, исто така, доведува до губење на косата бидејќи создава повеќе воспаление. Ако забележите дека губите повеќе коса и чувствувате поголема вознемиреност, отфрлете ги овие производи“, истакна таа.
Студијата на кинеските истражувачи во 2023 година откри дека помладите мажи кои конзумирале слатки пијалоци седум пати неделно имале повеќе од тројно шанси за губење на косата отколку мажите кои не ги консумирале, пишува Дејли мејл.
Истражувачите од Универзитетот Цингхуа во Пекинг анкетирале 1.000 мажи на возраст од 18 до 45 години за нивната потрошувачка на зашеќерени пијалоци во период од четири месеци, по што било проценето нивното губење на косата.
Научниците рекоа дека нивните наоди биле поткрепени со истражувања на животни кои покажуваат дека прекумерното внесување шеќер го нарушува функционирањето на метаболизмот на телото и ги попречува процесите во фоликулите на косата неопходни за нормално закрепнување и раст.
Сепак, авторите на студијата забележаа дека се потребни повеќе истражувања за да се потврди директната врска помеѓу пијалоците со многу шеќер и губењето на косата. Во овој момент, постои само статистичка поврзаност помеѓу овие две променливи. Не е јасно дали едното предизвикува друго.
