Лекарите и бабите имаат една заедничка препорака: Чај кој е лековит на повеќе нивоа, влијае на сѐ – од убавината, до имунитетот

Невенот (Calendula officinalis) е растение кое се користи во народната медицина со векови.

Се сметало за свето растение во античка Грција и Рим, а во средниот век се користело во манастирските градини како лек за многу заболувања. Неговите светло портокалови цветови не се користеле само како декорација, туку и како природен лек, зачин, па дури и како боја за ткаенини и храна.

Денес, чајот од невен е еден од најпопуларните билни чаеви кога станува збор за природна терапија и превенција од разни здравствени проблеми.

Како да направите чај од невен?
Подготовката на чај од невен е многу едноставна.

Треба да прелиете 1–2 лажички сушени цветови од невен со чаша (околу 200 мл) врела вода.
Оставете да отстои 10–15 минути, а потоа процедете.
По желба, може да се заслади со мед или да се пие незасладен, за да се зачуваат неговите природни лековити својства.
Се препорачува чајот да се пие свеж, веднаш по подготовката, а цветовите најдобро е да се сушат природно, на добро проветрено место, подалеку од директна сончева светлина, за да ја задржат својата боја и лековити својства.

За што е добар чајот од невен?
Чајот од невен има широк спектар на употреба и е најпознат по своите антиинфламаторни, антибактериски и смирувачки својства.

За варење – ги ублажува грчевите, надуеноста и помага при гастритис и чир на желудник.

За црниот дроб и жолчното кесе – го стимулира лачењето на жолчката и го олеснува варењето на масната храна.

За кожата – се користи и надворешно, за облоги и плакнење на рани, изгореници, посекотини или акни.

За смирување – е благо опуштачки, па затоа се препорачува за несоница и нервна напнатост.

За имунитет – благодарение на антиоксидансите, помага во зајакнувањето на одбранбениот систем на телото.

Невен
Интересни факти за невенот
Во народните верувања, невенот имал посебно место. Неговите цветови се сметале за симбол на љубов, светлина и вечна младост. Во многу култури се верувало дека цветот од невен може да го предвиди времето – ако цветовите не се отворат наутро, тоа значело дека ќе врне тој ден. Невенот бил и омилено растение во градините на кралските палати, а во некои делови од Европа бил наречен „сончев цвет“ поради нивната светла портокалова боја.