Емотивен говор на Лејди Гага по добивањето на Греми: Нејзината силна порака ги допре жените/ВИДЕО

Лејди Гага ја освои наградата за најдобар поп вокален албум за „Mayhem“ на доделувањето на Греми наградите во 2026 година во Лос Анџелес, и по тој повод му се обрати на својот вереник.

Лејди Гага ја освои наградата за најдобар поп вокален албум за нејзиниот албум „Mayhem“ на синоќешното доделување на наградите Греми. На церемонијата во Лос Анџелес, чиј водител беше Тревор Ноа, пејачката одржа емотивен говор заблагодарувајќи му се на својот свршеник Мајкл Полански, кого го бакна пред да излезе на сцената.

„Прво и најважно, морам да му се заблагодарам на мојот партнер Мајкл“, рече Гага додека ја примаше наградата. „Ти си тука за мене секој ден на начини на кои не можам доволно да ти се заблагодарам и работеше толку напорно со мене на овој албум една година.“

Нејзиниот вереник, кој е коавтор на песната на „Mayhem“, беше номиниран и за Албум на годината. „Затоа те сакам и ти благодарам“, додаде таа.

Гага, која беше номинирана во седум категории, вклучувајќи песна и видео на годината, ја искористи и можноста да им упати зборови на охрабрување на своите колешки:

„Само сакам да им кажам на жените во музиката, знам дека понекогаш, кога сте во студио со група мажи, може да биде тешко. Затоа ве охрабрувам секогаш да се слушате себеси и секогаш да се борите за вашите идеи, да се борите за вашите песни, да се борите за себе како продуцент. Погрижете се вашиот глас да се чуе – гласно.“

“[A las mujeres dedicadas a la música], quiero animarlas a que siempre se escuchen a sí mismas y luchen por sus ideas. Luchen por sus canciones. Luchen por ustedes mismas como productoras”.

– Lady Gaga al ganar el premio al Mejor Álbum Pop Vocal. #GRAMMYs pic.twitter.com/uXEFasZvA5

— Carla ❁ (@shannonlada) February 2, 2026