Музичката легенда Доли Партон сподели емотивна порака за Денот на благодарноста, изгледајќи ведро и силно и покрај неодамнешните здравствени проблеми што ги загрижија нејзините обожаватели, објави „Ју-ес-магазин“.
Во видео порака објавена на „Инстаграм“, 79-годишната ѕвезда се појави насмеана, облечена во кафеава блуза од твид и со нејзината препознатлива фризура.
„Ви посакувам вам и на вашите семејства благослови за овој Ден на благодарноста. Благодарна сум за сите спомени што ги споделивме низ годините. Среќен Ден на благодарноста на сите – и знајте дека секогаш ќе те сакам“, рече Доли.
View this post on Instagram
Доли ги одложи концертите претходно оваа есен поради здравствени проблеми, откривајќи дека лекарите препорачуваат неколку медицински процедури за неа.
„На шега им кажав дека е време за мојата услуга од 100.000 милји – но овој пат не кај пластичниот хирург“, се пошегува таа во тоа време, објаснувајќи дека не можела да се подготви за спектаклот што го заслужуваше нејзината публика.
Сепак, загриженоста одеднаш се зголеми кога нејзината сестра Фрејда објави на „Фејсбук“ дека цела ноќ се молела за Доли.
Обожавателите паничеа, мислејќи дека ситуацијата е сериозна.
Фрејда подоцна го омекна тонот.
„Не сакав никого да исплашам. Доли беше само малку болна.“
За да ги замолчи шпекулациите, Доли објави и видео на платформата Iks, шегувајќи се велејќи: „Сè уште не сум мртва“.
Иако се приближува кон својот 80-ти роденден, Партон вели дека никогаш не била поподготвена за нови проекти.
„Ако си дозволите да остарите – ќе остарите. Немам време за тоа! Немам време да размислувам за возраста“, заклучи Доли.
