Да не се пропушти!
Една од најдолговечните македонски пејачки, познатата и саканата кумановка Маргица Антевска, слави. И тоа голем и значаен јубилеј – 55 години од богатата музичка кариера. Исполнета е со неброено многу убави песни, сјајни интерпретации со бисерен глас кој милува и ден-денес, па не за џабе честопати ја ословуваме со заслужен прекар „Македонска Тереза“, а со оглед на тоа дека одлично ги пее и песните од репертоарот на славната Тереза Кесовија, а особено онаа “Старе љубави“.
Својот голем јубилеј, саканата Марга ќе го одбележи на 24 ноември, во родното Куманово, со (предновогодишен) солистички концерт „Маргица Антевска со семејството и пријателите“, со почеток од 19.00 ласот. Местото на музичкиот настан е “Занаетчиски дом“ (плоштадот).
Организатор е Здружението за уметност, култура и заштита на културното наследство „Ризница“ од Куманово, со поддршка од Општина Куманово и од Фондацијата за култура. Љубителите на нејзината песна ќе ја имаат единствената можност да уживаат во сите тие интерпретации, слушајќи ја со задоволство оваа врвна пејачка (на забавни и на народни мелодии), во живо. (Д. М.)
