Леден дожд ќе ја окова Србија: МВР со предупредување – „Не тргнувајте на пат“ Граѓаните добиваат и СМС-предупредувања

Српското Министерство за внатрешни работи денеска издаде предупредување до сите учесници во сообраќајот да бидат претпазливи поради снегот во наредните денови и да не тргнуваат на пат без потреба.

„Во следните четири дена се очекуваат дожд, влажен снег и замрзнат дожд, што може да ги направи патиштата лизгави и непредвидливи, особено во централните делови на земјата. Ги повикуваме возачите да не патуваат освен ако не е апсолутно неопходно, а доколку не можат да го одложат патувањето, да се осигурат дека нивното возило е технички исправно и опремено со зимска опрема, вклучително и синџири за снег“, се вели во апелот на српското Министерство за внатрешни работи на Инстаграм.

 

View this post on Instagram

 

A post shared by МУП Републике Србије 🇷🇸 (@mupsrbije)

„За време на празниците, кога има поголем број возила на патиштата, можни се бавни движења и повремени сообраќајни застои. Во такви услови, важно е да се намали брзината, да се зголеми растојанието и да се прилагоди возењето на условите на патот. Возете мирно и без брзање. Целта на патувањето не е брзината, туку безбедното пристигнување“, наведе српското Министерство за внатрешни работи.

Во меѓувреме, граѓаните добиваат и СМС-пораки за замрзнат дожд.

„Предупредување за замрзнат дожд е издадено од 5 јануари (понеделник) до 7 јануари (среда). Ве молиме бидете внимателни и следете ги упатствата на надлежните органи“, се наведува во соопштението.