Леброн си заминува од Лејкерс, се крчка мегатрансфер

Екипата на Њујорк Никс влегува во новата НБА-сезона како еден од кандидатите за висок пласман во Источната конференција, и додека медиумите најмногу се занимаваат со прашањето за тренерот, поточно, со доаѓањето на Мајк Браун, кој официјално го наследи Том Тибодо на почетокот на месецот, името на Леброн Џејмс сè повеќе се поврзува со франшизата од Њујорк.

Со оглед на тоа што Леброн влегува во последната година од неговиот договор (52 милиони) со Лејкерси и дека постои реална шанса тој да не биде продолжен следното лето, американските медиуми почнаа активно да се занимаваат со прашањето за неговата иднина, а како што објавува доверливиот НБА-инсајдер Мајк Штајн, не би било невозможно Џејмс да заврши со Никс следната сезона бидејќи „кралот“ засега нема намера да ја заврши кариерата, без разлика на годините.

• Добро познатата љубов на Џејмс кон „Медисон сквер гарден“ е причината зошто никогаш не велиме никогаш, напиша Штајн на социјалните мрежи, потсетувајќи на фактот дека Леброн Џејмс отсекогаш сакал да игра на најпознатиот терен во светот.

Како што дополнително објасни Штајн, Никси имаат дополнителна врска кога е во прашање Леброн. Имено, Лион Роуз и Вилијам Весли, кои го водат спортскиот сектор на Њујорк, имаат одличен однос со Леброн. Па, ако „кралот“ одлучи да побара нов предизвик и да излезе од сенката на Лејкерси, Њујорк дефинитивно е во игра.

Засега, Њујорк се фокусира на континуитет и на мали засилувања, но ако борбата за титулата не се води во наредните сезони, сценариото во кое Леброн би пристигнал на Менхетен се чини сè помалку како научна фантастика. Легендарната франшиза и играњето во „Медисон сквер гарден“ секогаш ќе бидат на листата на желби на повеќето кошаркари од НБА, особено сега кога по толку години се вратија на врвот на Истокот.