Лавров за средбата на рускиот и украинскиот претседател: „Путин е подготвен“

Рускиот претседател Владимир Путин постојано повторуваше дека е подготвен да се сретне со Владимир Зеленски, но за тоа, министрите и експертите прво мора да ги разработат прашањата што бараат разгледување на највисоко ниво, изјави рускиот министер за надворешни работи Сергеј Лавров на прес-конференција, пренесува ТАСС.

„Нашиот претседател постојано повторуваше дека е подготвен да се сретне, вклучително и со г-дин Зеленски, со разбирање дека сите прашања што бараат разгледување на највисоко ниво ќе бидат добро разработени и експертите, министрите ќе подготват соодветни препораки.

И секако, со разбирање дека, кога и ако се потпишат идните договори, ќе се реши прашањето за легитимитетот на лицето што ќе ги потпише овие договори од украинска страна“, рече Лавров.

Во меѓувреме, како што потсети шефот на руското Министерство за надворешни работи, Зеленски не го откажал својот декрет од пред три години, со кој директно се забрануваат преговорите со Путин.

„И јасно е дека таквата негова активност на тема организирање самит со рускиот лидер има за цел да го демонстрира неговиот наводно конструктивен фокус на процесот на решавање, а всушност – едноставно да ја замени сериозната, тешка работа за договарање на принципите за одржливо решавање на кризата со такви ефекти во стилот на Квартал 95 (студиото „Квартал 95“ е познато по продукција на телевизиски емисии, комедија серии, филмови и други содржини) и други трикови“, заклучи Лавров.