Лавров: Преговорите се во тек, но пред нас е долг пат до мир во Украина

Преговорите за завршување на војната во Украина се во тек, но сè уште има долг пат, изјави рускиот министер за надворешни работи, Сергеј Лавров, додавајќи дека нема причина да се биде ентузијаст за притисокот на американскиот претседател, Доналд Трамп, врз Европа и Украина.

– Сето ова е во ред и супер ако сакаме да постигнеме мир во Украина, но сè уште не сме таму – рекол Лавров, според новинската агенција ТАСС.

Претходно, украинскиот претседател, Володимир Зеленски, рече дека „сигурните безбедносни гаранции се единствената вистинска основа за мир“. Тој, исто така, предупреди дека Русија би можела да го тестира секое мирно решение со напади или со „некои хибридни операции“.

Кремљ соопшти дека датумот за следната рунда разговори сè уште не е одреден, но дека тие, веројатно, ќе се одржат наскоро.