Руската страна постепено го напушта терминот „непријателски држави“ и тргнува од фактот дека постојат непријателски влади, а не држави, изјави министерот за надворешни работи Сергеј Лавров на прес-конференција.
-Постепено го напуштаме терминот „непријателски држави“, иако тој останува во законодавството, но, како што неодамна нагласи претседателот (Владимир Путин) на еден од настаните во Владивосток, за нас нема непријателски држави, постојат држави чии влади се непријателски настроени кон Руската Федерација, рече Лавров на прес-конференција посветена на подготовките за меѓународниот фестивал „Интервизија“.
Во март 2022 година, руската влада состави официјален список на „непријателски земји“, во кој се вклучени бројни западни држави и нивните сојузници.
