Ласери наместо ракети? Израел го активира „Железниот зрак“

Израелското Министерство за одбрана соопшти дека вчера на армијата и е испорачан првиот оперативен систем за ласерско пресретнување ракети со голема моќност. Системот, наречен „Железен зрак“ (Iron Beam), е развиен од компанијата „Рафаел Адвансд Дифенс Системс“ и претставува револуција во воената технологија.

Во текот на време на обемните тестирања, системот успешно пресретнал ракети, минофрлачки гранати и беспилотни летала. Во следната фаза, системот ќе биде преземен од страна на израелските воздухопловни сили, кои ќе го вклучат во повеќеслоен систем за воздушна одбрана со постојните системи „Iron Dome“, „David’s Sling“ и „Arrow“, објавува „Тајмс оф Израел“.

Министерот за одбрана Израел Кац го нарече предавањето „историски момент“, истакнувајќи дека тоа е „прв пат во светот систем за пресретнување со ласер со голема моќност да достигне целосна оперативна зрелост“. Тој додаде дека системот „ги менува правилата на играта и испраќа јасна порака до непријателот – не нè искушувајте“.

Генералниот директор на Министерството за одбрана, Амир Барам, рече дека испораката го означи преминот од фазата на развој кон масовно производство, нарекувајќи го „Железниот зрак“ „само почеток на технолошка револуција“. Тој исто така нагласи дека системот значително ќе ги подобри одбранбените способности на Израел и ќе го промени односот на трошоците помеѓу евтините закани и скапите пресретнувачи.