Волонтери од Хуманитарната организација „Свети Спас“ в сабота и недела ќе организираат акција за собирање донации во храна и училиштен прибор.
Донациите ќе можат да се оставаат на штандови кои ќе бидат поставени пред поголемите маркети.
Ќе има штанд пред маркетот „Веро“ во Тафталиџе и тоа 12:00 до 20:00 часот, пред „Тинекс“ – 11 Октомври („Првомајска“), од 12:00 до 20:00 часот (30.08.2025 година) и пред маркетот „Тинекс“ – Лиса (Ново Лисиче), од 12:00 до 20:00 часот.
-Со едно мало дело можете да направите голема разлика – парче леб, литар масло, тетратка или ранец може да биде светлина во животот на едно дете и сила за едно семејство кое се бори со маки – велат од хуманитарната организација „Свети Спас“.
Оттаму ги повикуваат сите да станат дел, како што велат од оваа мисија на љубов и милосрдие.
– Донирајте со отворено срце, оставете свој белег на добрината и бидете причина за насмевка и благодарност што ќе се изговори од дното на нечие срце – потенцираат од хуманитарната организација „Свети Спас“.