Марк Кукуреља, во недела, ќе има можност да стане светски шампион со Шпанија, но зад неговата успешна кариера се крие трогателна животна приказна што никого не остава рамнодушен.

Шпанскиот репрезентативец и нов фудбалер на Реал Мадрид е татко на три деца со својата долгогодишна партнерка Клаудија Родригес, а нивниот најстар син Матео има аутизам. Кукуреља никогаш не ја криел оваа животна битка и неколкупати јавно зборувал за предизвиците со кои се соочува неговото семејство.

Деновиве, на социјалните мрежи стана вирално емотивно видео во кое момче со аутизам разговара со Кукуреља и му дава совети како да му помогне на својот син. Фудбалерот не успеа да ги задржи солзите.

  • Олесни се, Марк. Не брзај никаде, опушти се и одвојте си време колку што ви е потребно, му порача момчето, по што Кукуреља се расплака.
  • Не сакам да ја менувам темата… Емотивно е. Ова е твоја вина, одговори низ насмевка Шпанецот, обидувајќи се да ги совлада емоциите.

Потоа искрено призна колку му е тешко да зборува на оваа тема.

  • Првпат зборувам за ова на ваков начин. За мене е многу лична и тешка тема. Понекогаш не знам како да му помогнам на мојот син. Кога ќе видам дека не се чувствува добро, тогаш страдам уште повеќе. Среќен сум што можам да го споделам моето искуство, рече Кукуреља.

Левиот бек неодамна направи и голем трансфер, откако непосредно пред Светското првенство го напушти Челзи и потпиша шестгодишен договор со Реал Мадрид во зделка вредна 55 милиони евра, со можни бонуси до уште пет милиони.

Сега Кукуреља е на само еден натпревар од најголемиот успех во кариерата. Во финалето против Аргентина ќе се бори за светската титула, но како што самиот признава, секој негов настап има и многу подлабока причина – игра и за својот син Матео.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ