Русија не верува дека мировните преговори во Украина се заглавени и покрај коментарите на американскиот претседател Доналд Трамп за рускиот претседател Владимир Путин и дополнителните испораки на американско оружје во Киев. Трамп пред неколку дена изјави дека не е задоволен од Путин и го обвини дека „исфрла многу глупости“, пренесува „Бета“.
САД испорачуваат артилериски гранати и ракети за рачни лансери во Украина, изјавија двајца американски функционери за „Ројтерс“.
Русија, рече Песков, чека сигнал од Киев дали ќе учествува во третата рунда разговори.
„Постојано повторувавме дека би било подобро за нас да ги постигнеме нашите цели преку мирни политички и дипломатски средства, но додека тоа не се случи, специјалната воена операција продолжува, а реалноста на терен се менува секој ден“, рече Песков.
