Русија денеска објави дека желбата на американскиот претседател Доналд Трамп да изгради „противракетен штит“ за САД е прашање на суверенитетот на неговата земја, но дека контактите со Москва за тоа се исто така „неопходни“.
„Ова е прашање што влијае на американскиот суверенитет. Доколку САД веруваат дека постои закана од балистички ракети, тогаш, секако, ќе развијат антиракетен штит,“ изјави портпаролот на рускиот претседател Владимир Путин, Дмитриј Песков.
Песков укажа дека, „во блиска иднина, текот на настаните ќе бара обновување на контактите со цел враќање на стратешката стабилност меѓу Вашингтон и Москва“.
„Овие контакти за стратешка паритет меѓу двете најголеми нуклеарни сили во светот мора да бидат обновени во интерес на нашите две земји и во интерес на глобалната безбедност“, додаде Песков.
Изјавата претставува неочекувано омекнување на руската позиција, бидејќи во минатото Москва беше поостро критична кон проектот „Златна купола“ на Трамп, потсетуваат француските медиуми.
ИЗДВОЕНИ
Двајца вработени во израелската амбасада во САД застрелани на улица
Трајко Славески е предлогот на претседателката Сиљановска-Давкова за гувернер
При претреси на пет локации во Скопје: Полицијата лиши од слобода четири лица- членови на криминална група, осомничени за убиства
Владиниот калкулатор се прегреа од високите суми за храна што ги плаќаат граѓаните!?
