Поголемиот дел од француските медиуми ја потврдија пласираната информација дека последниот освојувач на најважната индивидуална награда во фудбалскиот свет, „Златната топка“ на Франс фудбал, Осман Дембеле, ја одбил понудата на актуелниот европски клупски шампион, тимот на ПСЖ, за продолжување на соработката за уште неколку сезони. Крилниот напаѓач им се заблагодарил на клупските челници и ги информирал дека е фокусиран на актуелниот договор кој има важност до 2028 година.
