Конечна пресуда за Милорад Додик, претседателот на босанскиот ентитет РС, во случајот за неспроведување на одлуките на високиот претставник, треба да биде донесена најдоцна до почетокот на август, објавува Vijesti.ba.
Додик е осуден на една година затвор со првостепена пресуда на Судот на Босна и Херцеговина и му е забрането да ја извршува функцијата претседател на ентитетот во траење од шест години.
Сепак, по турбулентните настани за време на процесот – вклучувајќи ги отсуствата од рочиштата, издавањето на наредба за притвор и нејзиното поништување откако се појави во придружба на високи функционери на Агенцијата за разузнавање и безбедност на Босна и Херцеговина – прашањето за конечната пресуда носи дополнителна тежина.
Инаку, на апелациониот суд, составен од судиите Амела Хускиќ, Весна Јесенковиќ и судијата Хилмо Вучиниќ, откако беше одбиено барањето на одбраната за дисквалификација на судиите Јесенковиќ и Вучиниќ, му беа дадени дополнителни 30 дена за да донесе нова пресуда.
Во второстепената постапка, можни се три опции: потврдување на првостепената пресуда, нејзина измена (вклучувајќи евентуално поништување или намалување на казните) или враќање во Апелацискиот совет за нова одлука, пишува Politicki.ba.
ИЗДВОЕНИ
ИЗБОРОТ НА КАНДИДАТИ ЗА ОКТОМВРИСКИТЕ ИЗБОРИ НАЈАВУВА ЖЕСТОКИ ДУЕЛИ: Поранешен и актуелен вицепремиер во битка „за сè или ништо“ за Чаир
Првообвинетата докторка се спогоди, три ипол години затвор и да врати 15 илјади евра
Контроверзен сведок во случајот против обезбедувачот на премиерот?
Ако три месеци чекавме за една, колку време ќе чекаме за пет потрошувачки кошници?
