Во Музејот на македонската борба, на 18 октомври во 20:00 часот, во рамките на фестивалот „Златна лира“, концерт ќе се одржи „Трио Академико“. На програмата се дела на Ерик Евејзен, Ернест Блох, Луиџи Занинели, Дмитри Шостакович и на Давор Јордановски.
Камерниот состав „Трио Академико“ (Златка Митева на флејта, Бранко Павловски на кларинет и Наташа Трбојевиќ на пијано) од 2010-тите настапува на значајни подиуми во земјава и во регионот, со програми што воспоставуваат дијалог меѓу класичниот и современиот музички израз, со акцент на промоцијата и интерпретацијата на македонското композиторско творештво. Триото има гостувано во Софија (КИЦ на РСМ), Созопол („Солеј“), Осиек („Интервокс“), како и во Белград, Нови Сад, Прага и Пеќ, градејќи препознатлив ансамбловски звук и стилска доследност. Рецензиите ги истакнуваат нивните настапи како пример за камерна усогласеност, со нагласен дијалог меѓу трите тембри. Составот е активен промотор на македонската камерна традиција, често претставувајќи нови дела од домашни композитори.
Влезот на концертот е слободен.
ИЗДВОЕНИ
„Правдата што доцни не е правда“: 36. Mарш за ангелите во Кочани
Топаловски: Брзо возење, црвено светло, нерегистрирани возила и лошо паркирање – тоа се прекршоците со кои ќе стартува „Безбеден град“
Филипче од конгресот: Државотворноста ни тече низ вените – кога ѝ се спуштал мрак на државата, СДСМ била факелот кој го покажувал патот
Алиу: Примарната цел на законот е превенција и поддршка за откажување од цигарите, а не казнувањето
