По повод денот на сесловенските просветители, светите браќа Кирил и Методиј, на 22 мај (20 ч.) во Домот на АРМ ќе биде одржан целовечерен концерт на АКУД „Мирче Ацев“ од Скопје. Во рамките на програмата ќе настапи академскиот хор „Мирче Ацев“, како и игроорците од сите возрасни групи.
Хорот покрај композициите од странски автори, ќе ги изведе и нумерите „Ајде слушај, слушај, Анѓо“ и „Момиче мало ѓаволо“ од Гајдов, „Орал дедо“ и „Чае Шукарије“ од Шуплевски, како и сплет песни од Тоше Проески.
Игроорците пак, ќе ги изведат женската игра „Тресеница“, сплетот игри „Овчарка“, „Ѓурѓово лето, пролето“, „Жетварка“ и „Пиринско пролетно цвеќе“, како и женската игра „Лазаренки“.
ИЗДВОЕНИ
Трајко Славески е предлогот на претседателката Сиљановска-Давкова за гувернер
При претреси на пет локации во Скопје: Полицијата лиши од слобода четири лица- членови на криминална група, осомничени за убиства
Владиниот калкулатор се прегреа од високите суми за храна што ги плаќаат граѓаните!?
Молитви во тегли за 600 денари им продавале на ожалостените кочански семејства
