Компанијата на Џејми Оливер отпушта 25 од своите 126 вработени

Холдинг компанијата на познатиот кулинарски готвач Џејми Оливер отпушта 25 од своите 126 вработени, објавува „Скај њуз“.

Компанијата одлучи да ја намали работната сила за една петтина, и покрај плановите на Оливер повторно да ги отвори своите ресторани, шест години откако синџирот „Jamie’s Italian“ влезе во стечај, оставајќи 1.000 луѓе невработени.

Холдинг компанијата на Оливер не е поврзана со новиот синџир на ресторани, објавува „Скај“.

Портпаролката на компанијата го потврди бројот на вработени кои се отпуштени, но не сакаше да ги наведе причините за реструктуирањето на компанијата.

Како што претходно објавија британските медиуми, нов синџир ресторани „Оливерс“ треба да се отвори напролет следната година, а првиот ќе биде на лондонскиот плоштад Лестер, пренесува „Танјуг“.