Кој работи најмногу, а кој одмара во ЕУ?

Европските земји имаат различен број на платени слободни денови, особено за време на божиќните и новогодишните празници. Најдобро поминуваат работниците во Романија, Словачка, Швајцарија, Финска, Латвија, Исланд и Кипар.

Иако најпознатиот „работник“ за време на празниците е оној што доставува подароци во летачка кочија влечена од ирваси, во реалниот живот има многу луѓе кои помагаат светот да продолжи да функционира пред крајот на годината.

За некои што живеат во Европа, придобивките доаѓаат во форма на платени државни празници. Други може да имаат повеќе слободни денови во текот на годината во замена за помалку празници за време на празничната сезона, пишува Дојче веле.

Секако, сè уште има такви што мора да го одржуваат системот во движење. Ова ги вклучува службите за итни случаи, како и работниците во угостителскиот и малопродажниот сектор, кои често минуваат низ најпрометниот период од годината. Логистичките работници се исто така потребни за да се осигурат дека божиќните честитки и подароци ќе стигнат до нивните дестинации.

Кој се одмара за време на Божиќ?

Вообичаено, европските земји имаат меѓу два и пет државни празници во периодот од Бадник (24 декември) до Богојавление (6 јануари). Литванија се издвојува со вкупно 16 државни празници годишно, од кои четири се во периодот меѓу Бадник и Нова година.

Кипар, Словачка и Романија имаат по 15 национални празници, при што околу една третина се во зимскиот празничен период. Малта има 14 државни празници, од кои два се поврзани со Божиќ и Нова година. Австрија, пак, има 13 државни празници, а во покраини како Тирол и Салцбург се додава и по еден локален празник, со што се приближува до врвот на табелата.

Што се однесува до Германија, таму има девет државни празници. Но, познатиот германски федерализам им дозволува на покраините да воведат дополнителни празници. На северот од земјата, тие ретко го користат ова, додека рекордер во Германија е Баварија – со 12 празници се приближува кон земјите кои особено сакаат да воведуваат неработни денови. Кога станува збор за празници, жителите на Аугсбург во Баварија најдобро го имаат. Тие го слават и Денот на мирот на 8 август – кога протестантите ја вратија слободата на вероисповед во 17 век.

Во некои од европските земји, вработените на крајот на годината добиваат и таканаречена „тринаесетта плата“. Таа обично се пресметува врз основа на бројот на работни часови, а јужноевропските земји како што се Португалија, Шпанија, Грција и Италија често доделуваат законски бонус, во зависност од индустријата и работодавачот. Во некои европски земји, бонусите постојат како обичај, но не како законска обврска.

Додека некои земји ги нудат овие дополнителни бенефиции, други неодамна ја разгледаа можноста да бидат порестриктивни. Во Германија и Франција, слободните денови за време на Божиќ би можеле да добијат уште поголема вредност, бидејќи владите во Париз и Берлин неодамна ја објавија можноста за намалување на бројот на државни празници.

Истовремено, во некои држави се размислува за рестрикции. Владите во Германија и Франција неодамна најавија можност за намалување на бројот на државни празници, што би можело дополнително да ја зголеми вредноста на слободните денови за време на Божиќ.