Белата куќа денес повика на итна истрага откако елеваторот што го користеа американскиот претседател Доналд Трамп и првата дама Меланија Трамп за да пристигнат на Генералното собрание на ОН наводно запрел.
Портпаролката на Белата куќа, Каролин Левит, изрази загриженост на социјалните мрежи, нагласувајќи дека ако инцидентот бил намерен, одговорните треба да бидат отпуштени и веднаш истражени, објавува CNN.
„Ако некој во ОН намерно го запрел елеваторот додека претседателот и првата дама оделе по него, треба да биде отпуштен и веднаш истражен“, напиша Левит на X, споделувајќи видео од британскиот весник The Times.
WATCH: The UN escalator stopped working as soon as Trump and Melania got on, so they had to walk up the stairs. pic.twitter.com/2gBclC7teD
— Republicans against Trump (@RpsAgainstTrump) September 23, 2025
Обединетите нации објавија дека елеваторот што го користел американскиот претседател Доналд Трамп нагло застанал поради безбедносен механизам што можеби го активирал неговиот снимател.
Снимателот се качувал по елеваторот наназад за да го снима пристигнувањето на американскиот претседател со првата дама Меланија Трамп и „можеби ненамерно активирал безбедносна карактеристика“ кога стигнал до врвот, изјави портпаролот на ОН, Стефан Дужарик.
За време на својот вчерашен говор од говорницата на ГС на ОН претседателот Трамп на шега се осврна на инцидентот велејќи: „Доколку првата дама не беше во добра форма, ќе паднеше“.
ИЗДВОЕНИ
„Национална географија“ го откупи „Силјан“; Документарецот на Тамара Котевска во двојна трка за номинација за „Оскар
Реакцијата на Јамал откако Дембеле ја освои „Златната топка“ (ВИДЕО)
Административците наместо преку плати да го празнат буџетот, да го полнат преку новосоздадена вредност
Колку се контаминирани овошјето и зеленчукот од Трубарево!?
