Сопственикот на луксузната модна куќа и парфеми Шанел, Жерар Вертхајмер, заедно со својот брат Ален, останува на врвот на листата на 300 најбогати луѓе во Швајцарија, објави списанието „Билан“.
Нивното богатство се проценува на околу 34 милијарди швајцарски франци (околу 36 милијарди евра), објави Swiss info.
Сепак, водечките швајцарски богаташи од семејството Вертхајмер имаа „бурна година, па затоа нивната лидерска позиција сега е загрозена“, пишува списанието „Тамедија“.
На второ место е семејството Хофман, кое го контролира фармацевтскиот гигант Рош со седиште во Базел.
Нивното богатство се зголеми од 30 милијарди швајцарски франци на 31 милијарда швајцарски франци (околу 33 милијарди евра).
Италијанскиот бизнисмен Андреа Пињатаро, кој ја основал компанијата за финансиски програми „Ион“ со седиште во Лондон пред повеќе од 25 години, има богатство проценето на близу 28 милијарди швајцарски франци (околу 30 милијарди евра), за прв пат се појавува меѓу првите тројца на листата.
