Резервите на јаглен во Русија се доволни за речиси илјада години, изјави претседателот Владимир Путин денес за време на говорот на Источниот економски форум во Владивосток.
Сепак, тој ја нагласи потребата од поефикасно користење на овој ресурс во енергетскиот сектор на рускиот Далечен Исток, особено во услови на можен дефицит на гас, пренесува ТАСС.
„Постои значителен потенцијал за поефикасно користење на јаглен од различни квалитети, со поголем енергетски принос и усогласеност со сите еколошки стандарди“, рече Путин, додавајќи дека подоцна во текот на денот ќе одржи состанок за развојот на енергетскиот сектор на Далечниот Исток.
Според него, енергетската состојба е генерално стабилна, но постојат голем број прашања на кои им е потребно посебно внимание, како што е недостатокот на поврзаност помеѓу компонентите на енергетската инфраструктура.
Источниот економски форум се одржува во Владивосток од 3 до 6 септември оваа година.
На веб-страницата на организаторите е наведено дека тоа е клучна меѓународна платформа за создавање и зајакнување на врските меѓу руската и глобалната заедница, презентирајќи го економскиот потенцијал на рускиот Далечен Исток, како и условите за бизнис во овој регион и можностите за инвестирање, пренесе Танјуг.
ИЗДВОЕНИ
Ќе се чешлаат осум досијеа – се отварале ли здрави срца за пари?
Македонија и натаму ќе се „крсти“ во црниот јаглен за добивање струја
Вранецот скапува на нивите, а винарниците увезуваат евтино налевно вино
Португалија во шок ден по трагедијата во Лисабон, се шпекулира за причините за несреќата, сведоците се сомневаат во сопирачките
