„Кофеинска дремка“: Контрадикторна, но најефикасна практика да ги наполните батериите – до оптимално ниво на енергија и концентрација

Можеби звучи чудно, но „кофеинската дремка“ може да бидат најчудниот и најпаметниот начин да ги наполните батериите. Шолја кафе пред кратка дремка може да ја зголеми вашата концентрација и енергија, сугерираат истражувањата.

Во денешната култура полна со кофеин, енергетските пијалоци и триковите за спиење ветуваат поостар фокус и подолг ден. Но, често се споменува една навидум едноставна, малку необична стратегија: кафе и дремка.

Секако, оваа „кофеинска дремка“ не е непозната во науката или во секојдневниот живот. На пример, во Шпанија е вообичаено да се пие кафе по ручек пред кратка сиеста. Но, дури неодамна експертите почнаа да се прашуваат дали оваа практика има некаква научна основа.

Значи, може ли кафето пред дремка да му даде поттик на вашиот мозок? Поспаноста не е само чувство – тоа е хемиски и биолошки процес што се случува.

Еден клучен фактор е аденозинот, невромодулатор кој постепено се акумулира во мозокот додека нашите клетки согоруваат енергија во текот на денот. Како што се акумулира аденозинот, тој се врзува за семејство на специјализирани рецептори кои помагаат во регулирањето на клеточните функции, вклучително и спиењето.

-Кога се активираат, рецепторите го забавуваат преносот на нервните сигнали и ослободувањето на невротрансмитери, велат експертите. Ефектот е како ментален регулатор: врзувањето на аденозинот ја намалува активноста на невроните, правејќи да се чувствуваме поспано. За време на спиењето, аденозинот се разградува сè додека мозокот не ја продолжи нормалната функција. Кофеинот го користи овој систем за да нè држи будни. Тој е моќен антагонист кој го блокира аденозинот кај сите различни типови рецептори. Кога овие рецептори се зафатени, аденозинот не може да се врзе и ја забавува активноста на мозокот. Наместо тоа, нервните клетки продолжуваат да испраќаат сигнали, невротрансмитерите се ослободуваат и се чувствуваме будни.

-Тоа е јин-јанг врска. Колку повеќе кофеин консумирате, толку повеќе рецептори се зафатени, иако постои физиолошка граница. Кога имате многу високи концентрации на кофеин, ќе ги блокирате повеќето аденозински рецептори, нагласуваат научниците, а пишува National Geographic.

Сепак, оваа врска не е статична. Додека кофеинот ги блокира аденозинските рецептори, телото компензира со производство на повеќе рецептори. Со текот на времето, потребни се поголеми дози на кофеин за да се постигне истиот ефект, што доведува до толеранција и зависност на молекуларно ниво.

Делумно причината за комбинацијата на овие работи е овој проблем со „инерцијата на спиењето“, нагласуваат експертите. „Ако можевте да пиете кафе во комбинација со дремка, тоа би можело да ги подобри вашите перформанси“, додаваат тие.

Оваа дремка е сè уште недоволно истражена и потребни се повеќе истражувања, но некои резултати сугерираат дека комбинацијата од кратка дремка и кофеин може да го намали заморот и да ги подобри когнитивните способности. И колку и да е ефикасен кофеинот во подобрувањето на вниманието и будноста, научниците предупредуваат дека кофеинските дремки никогаш нема да бидат магична формула за продуктивност или замена за добар ноќен сон.