Општина Кисела Вода почна со изградбата на детско катче, во кругот на ООУ „Свети Климент Охридски“ во Драчево. Тоа е првото од планираните десет на нејзината територија.
-На гумирана подлога што го намалува ризикот од повреди и овозможува сигурна игра ќе бидат поставени разновидни реквизити: лулашки, лавиринт со два тобогани и мрежа за качување. Просторот ќе биде и осветлен, за безбедна игра и во вечерните часови – соопштија од Општината.
Оттаму додаваат дека со изградбата на овие детски катчиња се вложува во иднината на најмладите, обезбедувајќи им безбеден и современ простор за игра.
-Заедничката игра е основа за развој на социјалните и моторичките вештини, а наш приоритет е секое дете да има место каде може слободно и безбедно да расте, да се развива и да создава убави детски спомени – нагласуваат од Општина Кисела Вода.
