Рускиот претседател Владимир Путин денес потпиша декрет со кој им се дозволува на кинеските граѓани да патуваат во Русија без виза.
Како што е наведено, врз основа на оваа одлука, кинеските граѓани ќе имаат право да влезат и да останат во Русија не повеќе од 30 дена до 14 септември 2026 година, земајќи го предвид принципот на реципроцитет, како и да учествуваат во научни, културни, економски и спортски настани, објави „РИА Новости“. Кинеските граѓани исто така ќе можат да патуваат транзитно или да излегуваат од Русија без виза, под услов да имаат редовен кинески пасош.
Сепак, овие правила не важат за оние кои доаѓаат во Русија за да извршуваат работни активности, вклучително и новинарство, или за студирање.
Одлуката стапува на сила денес, соопшти руската агенција.
На 2 септември, кинеското Министерство за надворешни работи објави воведување на пробен, 30-дневен безвизен режим за руските граѓани во траење од една година, пренесува Танјуг.
Овој режим се однесува на носители на редовни пасоши и важи за оние кои планираат да патуваат во Кина како туристи, за бизнис, како дел од хуманитарни размени или за посета на роднини и транзит.
ИЗДВОЕНИ
Пензионерите во одбрана на линеарното пресметување на пензиите протестираат пред Уставен/ФОТО
Град Скопје ќе го крои буџетот за 2026 година заедно со граѓаните – отворен повик за идеи и предлози до скопјани
Едномесечен пробен период на „Безбеден град“: Од денес се снимаат сообраќајни прекршоци – во декември опомени, казни од јануари догодина
Нехигиената во училиштата алармира, време е за итни инспекции!
