Кинеското Министерство за надворешни работи соопшти дека земјата вовела санкции против 10 поединци и 20 американски одбранбени компании, вклучувајќи ја и филијалата на „Боинг“ во Сент Луис, Мисури, поради продажба на оружје на Тајван.
Мерките ги замрзнуваат сите средства што компаниите и поединците ги поседуваат во Кина и им забрануваат на локалните организации и луѓе да соработуваат со нив, соопшти министерството.
На лицата на списокот со санкции им е забранет и влез во Кина.
На лицата на листата, вклучувајќи го основачот на одбранбената компанија „Андурил индустрис“ и девет високи раководители на санкционираните компании, им е забранет влез во Кина, додаде министерството.
Други компании што се цел на санкциите се „Нортроп Груман Системс Корпорејшн“ и „Л3Харис Маритим Сервисиз“.
