Ким Џонг Ун ги одликуваше севернокорејските војници кои се бореа за Русија

Севернокорејскиот лидер Ким Џонг Ун им додели медали на припадниците на севернокорејските трупи кои се бореле за Русија во војната против Украина, објави денес државната новинска агенција КЦНА.

Во своето обраќање, Ким рече дека „борбените активности на прекуокеанските оперативни сили“ ја докажале моќта на „херојската“ севернокорејска армија и дека „ослободувањето на Курск“ го докажало „борбениот дух на хероите“, објави Ројтерс.

Ким положи цвеќе на спомен-ѕидот за војниците кои паднале во странство, по што следеше концерт за војниците кои се вратиле од Русија и банкет на кој присуствуваа членови на семејствата на загинатите.