Севернокорејските војници стационирани во Русија користат беспилотни летала за извидувачки мисии преку границата во Украина, соопшти украинската војска, што е прв пат по неколку месеци Киев да пријави борбена улога на Севернокорејците.
Илјадници севернокорејски војници се бореа заедно со руските сили во рускиот регион Курск минатата година против украинските војници, кои потоа го започнаа најголемиот упад на руска територија од почетокот на војната.
Украина подоцна соопшти дека Севернокорејците се повлекле откако претрпеле големи загуби. Украинските сили беа истиснати од Курск во март оваа година и оттогаш не пријавиле никакви судири со севернокорејските единици.
Во соопштение објавено на Фејсбук, украинскиот Генералштаб изјави дека севернокорејските единици сега управуваат со беспилотни летала од регионот Курск за да ги лоцираат украинските воени позиции и да помогнат во насочувањето на ракетните напади врз соседниот регион Суми, објави Ројтерс.
„Украинските вооружени сили пресретнаа комуникации меѓу севернокорејските оператори на беспилотни летала и рускиот воен персонал“, се наведува во соопштението.
Северна Кореја и Русија потпишаа договор за меѓусебна одбрана и значително ја подобрија воената соработка во последните две години. Украина и Јужна Кореја проценуваат дека Пјонгјанг испратил повеќе од 10.000 војници да учествуваат во војната против Украина во замена за економска и технолошка воена помош.
ИЗДВОЕНИ
Прети држел телефон, а не пиштол: Федералци убија медицински техничар среде протест во Минеаполис
„Правдата што доцни не е правда“: 36. Mарш за ангелите во Кочани
Топаловски: Брзо возење, црвено светло, нерегистрирани возила и лошо паркирање – тоа се прекршоците со кои ќе стартува „Безбеден град“
Филипче од конгресот: Државотворноста ни тече низ вените – кога ѝ се спуштал мрак на државата, СДСМ била факелот кој го покажувал патот
