Киев размислува да испрати делегација во Москва на мировни преговори за Украина, објави денес украинското онлајн списание „Тајмс оф Украина“, повикувајќи се на извори.
„Украинската делегација ќе биде испратена директно во Москва за да се забрзаат преговорите: нашите извори дознале дека се разгледува оваа опција“, се вели во соопштението објавено на каналот Телеграм на украинскиот портал.
Според порталот, Стив Виткоф, претставникот на американскиот претседател Доналд Трамп, и зетот на Трамп, Џаред Кушнер, би можеле да дејствуваат како гаранти за безбедност.
„Тие ќе ја земат делегацијата од Киев во Полска и ќе летаат до аеродромот Внуково. Учеството на Кирил Буданов останува под знак прашалник“, наведува порталот.
Буданов е баран од руските власти од 2023 година.
Вториот круг разговори за Украина се одржа во Абу Даби на 4 и 5 февруари, со учество на делегации од Русија, САД и Украина.
Првиот круг се одржа во Абу Даби на 23 и 24 јануари.
Разговорите се одржаа зад затворени врати, без присуство на печатот, објави Танјуг.
