Ќерката на Еди Марфи се идентификува како машко, користи заменка „тој“

Детето на познатата актерско-музичка двојка, Еди Марфи и Мел Б, објави дека се идентификува како трансродов маж, а нивната реакција беше – безусловна поддршка.

Марфи, познат по филмови како „Полицаец од Беверли Хилс“, „Доаѓање во Америка“, „Д-р Дулитл“ и Мел Б, поранешна членка на „Спајс Грлс“, имаа кратка врска во 2006 година. Една година подоцна, се роди нивната ќерка Ангел, која неодамна наполни 18 години, а сега јавно се идентификува како маж на социјалните мрежи и ја користи заменката „тој“.

Според извор близок до семејството, ниту Мел Б ниту Марфи не направиле голема работа околу одлуката на Ангел – тие ја прифатиле со разбирање и почит. Немало посебна јавна изјава, тие едноставно му дозволиле на Ангел да го изрази својот идентитет, кога бил подготвен.

Мел Б, која неодамна го прослави својот 50-ти роденден, му посвети емотивен пост на Ангел во април на неговиот 18-ти роденден. Таа нагласи колку е горда што го гледа своето дете како расте во личноста каква што е, нарекувајќи го „посебно, светло и талентирано суштество“ кое секогаш покажува љубезност кон другите.

Мел Б има уште две ќерки, Медисон (13) и Феникс (26), додека Еди Марфи е татко на десет деца. Неговото најстаро дете, Ерик (35), неодамна се ожени со Јасмин Лоренс, ќерка на актерот Мартин Лоренс.