Ќе заседава Комисијата за заразни болести: Двата случаи со мајмунски сипаници во Македонија не се поврзани, двајцата не патувале надвор од државава

По лабораториски анализи на Институтот за јавно здравје потврдени се два случаи на мајмунски сипаници, информира на прес конференција денеска заменик-министерот за здравство, Јовица Андоновски, и додаде дека  попладнево ќе заседава Комисијата за заразни болести.

Апелира граѓаните да не паничат оти како што рече, системот функционира и се преземаат сите активности.

И директорката на ИЈЗ, Марија Андоновска информира дека се работи за два машки пациенти родени на 1981 и 1985 година, и двајцата од Скопје. Според информациите шти ги дале двајцата пациенти не патувале никаде надвор од државата.

Таа нагласи дека едниот пациент е хоспитализиран на Инфективната клиника во Скопје, а според нејзините информации се уште не е хоспитализиран. Потенцира дека не се поврзани случаи.

И директорката упати апел граѓаните да не паничат и потенцира дека не се работи за ново заболување и за тоа веќе има протоколи.