Со реконструкција на улицата „Боро Менков“, Општина Бутел започнува со голема градежна офанзива во населбата Скопје Север, во која ќе бидат инвестирани 65.000.000 денари.
– Реконструкцијата ќе ги опфати и тротоарите, пешачките патеки како и паралелните паркинзи. Во одреден дел на улицата ќе обезбедиме и нови паркинг-места. Ова е една од најголемите и најзначајните улици во Скопје Север – соопштија од Општина Бутел.
Градоначалникот, Дарко Костовски, најави и дека ќе се реконструира и улицата „Костурска“ заедно со двата големи паркинг-простори и пристапни патеки.
– Исто така, прв пат ќе се изгради и тротоар за безбедно и непречено движење. Потоа, ќе се санираат сите пристапни патеки до зградите во должина од преку 2.000 метри. Со оваа реконструкција ќе бидат опфатени зградите на улиците: „Боро Менков“, „Костурска“, „Лазо Москов“ и „Гоце Стојчевски“ – истакна Костовски.
Воедно, ќе се обнови и фасадата на ООУ „Петар Здравковски – Пенко” кое се наоѓа во населеното место Скопје Север, а на барање на жителите ќе бидат опфатени и неколку помали паркинзи.
Ќе се направат и ново детско игралиште, нови паркови и ќе се постави нова урбана опрема во неколку делови на населеното место Скопје Север.
ИЗДВОЕНИ
Брисел го активира тајното оружје против Трамп! Жесток контранапад со трговска “базука“
Втора жртва од грип сезонава: Невакциниран пациент со инфлуенца А почина на Инфективна клиника
Вештачката интелегенција може да го влоши менталното здравје
Ракометарите денеска го играат клучниот меч за пласман во наредната фаза на ЕП
