Градоначалникот на Општина Гази Баба, Бобан Стефковски, информираше дека се потпишани договорите за реализација на градежни активности за целосна реконструкција на повеќе улици.
Станува збор за: „Петре Филиповски Гарката“ во Триангла, „Јордан Поп Јорданов“, во Маџари, „Париска Комуна“, во Хиподром, како и патот кон гробиштата Камник.
Дополнително, се очекува да се склучи и договорот за реконструкција на улицата „Жан Жорес“, во Маџари.
Градежните активности на овие локации ќе започнат во следните неколку дена.
Стефковски најави и дека паралелно се спроведуваат постапки за избор на економски оператори за: изградба на нова училишна сала во ООУ „Григор Прличев“ – Железара, надградба на ООУ „Крум Тошев“ – Трубарево, изградба на нова детска градинка помеѓу Маџари и Керамидница, на фекални канализации во Идризово и Дрма, за Јурумлери, како и во Чукур Маало и Гоце Делчев, атмосферска канализација на улиците: „Гемиџиска“ и „Филип Филиповиќ“ – Железара, изградба на каналот во Сингелиќ, реконструкција на улиците: „Палмиро Тољати“ – Ченто, „519“ – Керамидница, „22“- Сингелиќ, „30“– Чукур Маало, Трубарево, но и изградба на улица „2“ – Железара.
