Општина Ѓорче Петров го официјализира партнерството со Министерството за социјална политика, демографија и млади и Светска банка преку договор за грант за развој на социјални услуги на локално ниво. Во соработка со здружението „Во мојот свет“ ќе се отвори Центар за дневен престој и индивидуален третман за деца и млади со попреченост.
Центарот ќе обезбедува стручни и достапни услуги за: деца од 1 до 14 години – со фокус на рана интервенција и поттикнување на моторни, когнитивни и говорни вештини, млади од 14 до 26 години – преку индивидуални и групни активности за социјална интеграција, самостојност и подготовка за пазарот на труд.
Општината ќе обезбеди финансиска и организациска поддршка, додека „Во мојот свет“ ќе ја реализира стручната програма преку мултидисциплинарен тим на дефектолози, логопеди, психолози и други експерти.
– Овој проект претставува инвестиција во еднаквите можности и достоинството на лицата со попреченост, како и во градење на Општина по мерка на сите граѓани – инклузивна, солидарна и човечна – информираат од Општина Ѓорче Петров.
