Ќе се избира најубаво новогодишно украсени двор, тераса, простор пред зграда…            

По повод новогодишните и божиќните празници, Општина Гази Баба распиша јавен повик за „Најубаво новогодишно украсување“.

Од Општината ги повикуваат сите жители да се вклучат и заеднички да го разубават просторот во кој живеат и работат.

Пријавувањето може да биде за: новогодишно украсен двор, тераса, заеднички простор пред зграда (заедница на станари), простор пред стопански субјект,  градинки, основни училишта.

За најкреативните и најубаво украсените простори ќе бидат доделени  награди.

Сите заинтересирани може да се пријават на телефонскиот број: 076 469 554, кај Даниела или лично во едношалтерскиот систем во Општина Гази Баба.

Рок за пријавување е до 23.12.2025 до 16:00 часот. Пријавата треба да содржи: адреса и телефон за контакт.

Комисија од Општина Гази Баба ќе ги посети пријавените на 25.12.2025 по 17:00 часот.