По повод 8 Декември, Свети Климент Охридски, градоначалникот на Општина Охрид, Кирил Пецаков, распиша конкурс за доделување на општинската награда „Патрон на градот – свети Климент Охридски“ за 2025 година.
Наградата се доделува за животно дело, односно долгогодишни остварувања и врвни достигнувања во сите области од општествениот живот, кои се од особено значење за Општина Охрид и кои имаат голем придонес во нејзиниот развој, напредокот и севкупната афирмација во Република Македонија и во светот.
Право на учество на конкурсот имаат установите, трговските друштва, здруженијата на граѓани и поединци.
Во пријавата треба да се достави кратка биографија и образложение за какви остварувања и придонес станува збор. Исто така, потребно е кон пријавата да се достави и најмалку една препорака од релевантна институција или од истакнат поединец од областа за која се конкурира.
Наградата „Патрон на градот – свети Климент Охридски“ се доделува на еден добитник, само еднаш и не може да се дели меѓу повеќе добитници.
Конкурсот трае 15 календарски дена, сметано од денот на објавувањето. Пријавите што ќе бидат доставени по истекот на рокот, нема да бидат разгледувани.
