Оставка од претседателката на Антикорупциската комисија Татјана Димитровска која во моментов има забрана за вршење на дејноста не побараа ниту ВМРО-ДПМНЕ, ниту СДСМ. Тие ќе ја почекаат истрагата па потоа ќе се произнесат.
„Најсоодветно е прво да видиме што ќе покаже истрагата. Ние внимателно ги следиме информациите. Внимателно ги следиме сите детали поврзани со овој случај, ја почитуваме и презумпцијата на невиност“, изјави Богданка Кузеска од СДСМ.
На слична линија е и ВМРО-ДПМНЕ. Од владејачката партија ги повикаа надлежните органи да го расчистат случајот.
„Доколку постојат докази за сторено кривично дело, недозволено е таквото однесување. Од аспект на морал, поголема е одговорноста кај лицата кои извршуваат високи јавни функции, отколку кај останатите“, изјави Валентин Манасиевски од ВМРО-ДПМНЕ.
Првата антикорупционерка е осомничена за оддавање службена тајна за предметот „Адитив“, а нејзините поранешни колеги побараа веднаш да си даде оставка бидејќи со нејзиниот молк, ја инфицира целата институција. Во спротивно, пбараа тоа да го стори Собранието кое ја назначи.
ИЗДВОЕНИ
350.000 евра скриени во ѕид: Апелациски судија осомничен во мегаскандал за висока корупција
Брисел го активира тајното оружје против Трамп! Жесток контранапад со трговска “базука“
Втора жртва од грип сезонава: Невакциниран пациент со инфлуенца А почина на Инфективна клиника
Вештачката интелегенција може да го влоши менталното здравје
