Американскиот кошаркар Ерик Мика, кој своевремено играше за српски Партизан, се мачеше со повредите, кои го држеа надвор од теренот речиси две години.
По повредата на зглобот, тој го напушти тимот на развојниот НБА-тим Игнајт во јануари 2024 година, а сега се огласи на социјалните мрежи за да ја изрази својата благодарност откако одигра натпревар на Бадник, речиси две години подоцна.
- Можеби, најскромното кошаркарско искуство во целиот мој живот. Играв натпревар на Бадник и помина доста време… Го повредив грбот и прилично сум сигурен дека ќе морам да одам да ми го ампутираат левото стапало од листот надолу. Ова ми ги отвори очите: треба да се вратам во убиствена форма – напиша Ерик Мика.
Тој играше за Партизан во сезоната 2020/2021 во АБА-лигата. Потоа замина во Бург во Франција, а кариерата ја започна во Италија, со тимот на Пезаро, во 2017 година. Потоа играше за Бреша, Бајројт во Германија, во неколку наврати за Стоктон кингс, но и за Синџијанг во Кина, а воедно одигра и еден меч за Сакраменто во НБА-лигата.
