Во пресрет на празничната сезона, Државниот пазарен инспекторат најави засилени контроли во угостителските објекти низ земјата, со цел да се спречат злоупотреби и да се гарантира безбедноста на гостите.
Од Инспекторатот велат дека очекуваниот наплив на прослави и на приватни забави секоја година носи ризик од прекршување, поради што контролите ќе бидат почести и построги.
Инспекторите ќе проверуваат дали се почитуваат правилата за максимален број гости, работното време, забраната за пушење и сите други законски обврски што важат за угостителите.
– Апелираме угостителите да работат совесно и во целост да ги почитуваат законските прописи, особено сега, кога се очекува зголемена фреквенција на гости – порачаа од ДПИ.
Од Инспекторатот истакнуваат дека за секое непочитување на правилата ќе следуваат казни и соодветни мерки, согласно со надлежните закони.
Граѓаните што ќе забележат неправилности може да пријават на телефонскиот број 191 или преку веб-страницата dpi.gov.mk.
ИЗДВОЕНИ
Одбележување на празникот Богојавление – Водици во Скопје – Бог се јави!: 24-годишниот Дарко Митровиќ најбрзо стаса до чесниот крст/ФОТО
Свечено одбележување на Водици во Охрид: Мартин Гоџо го извади крстот од осветените води на Охридското Езеро
ЈО Битола: Внук осомничен за обид за убиство на сопствената баба – се бара притвор за 28-годишникот
Православните верници денеска го слават празникот Богојавление – Водици, Чесниот крст се положува во осветените води
