Дали оваа застрашувачки едноставна грешка на копилотот довела до катастрофата во која загинаа 265 луѓе? Експерт за авијација верува дека копилотот на летот AI171 на „Ер Индија“ ја повлекол рачката за крилата наместо да ги повлече тркалата, што предизвикало пад на авионот, пишува „Дејли Меил“.
Комерцијалниот пилот и јутјубер, капетан Стив, кој анализира авионски несреќи и инциденти, ја изнесе својата теорија за трагедијата во која загинаа 241 лице во авионот.
Боингот 787 Дримлајнер, кој летал за Лондон, почнал да губи висина кратко по полетувањето и се урна и исчезнал во огнена топка во близина на станбена област во Ахмедабад, Гуџарат.
Стив вели дека се сомнева во исклучително едноставна грешка во пилотската кабина кога на копилотот му било наредено да ги повлече тркалата, што имало катастрофални последици.
- Еве што мислам дека се случи – секако, ова е само мое мислење. Мислам дека пилотот му рекол „тркала горе“ на копилотот во вистинско време. Мислам дека копилотот ја зграпчил рачката за крилата и ги кренал закрилните наместо тркалата. Ако тоа се случило, тоа објаснува многу – зошто авионот престанал да лета.“
