Кинески воен брод се судри со брод на кинеската крајбрежна стража додека бркаше филипински патролен брод во Јужното Кинеско Море денес, соопшти Манила, објавувајќи драматични снимки од инцидентот.
Инцидентот се случил во близина на спорниот Скарборо Шол, кога филипинската крајбрежна стража ги придружувала бродовите што дистрибуирале помош на рибарите во областа, изјави портпаролот на филипинската крајбрежна стража, Џеј Тариела, во соопштението.
Скарборо Шол, кој се наоѓа 240 километри западно од филипинскиот брег и 900 километри источно од кинескиот остров Хаинан, е предмет на спор меѓу двете земји откако Кина го зазеде во 2012 година.
Видеото објавено од Манила покажува како брод на кинеската крајбрежна стража и многу поголем брод се судираат со силен тресок.
Тариела рече дека бродот на кинеската крајбрежна стража се движел со голема брзина по филипинската крајбрежна стража кога се судрил со бродот на кинеската морнарица.
Tried to smash into our Philippine Coast Guard ship
They missed it.
Instead, the China Coast Guard struck their own PLA Navy ship — crippling their own asset inside the Philipppine EEZ. 🚢💥🚢Now your Coast Guard vessel is busted — inside OUR EEZ.
And yes, we still offered… pic.twitter.com/fzu3IUl8mj— BRP Sierra Madre (@BRPSierraMadre) August 11, 2025
Портпаролот на кинеската крајбрежна стража, Ган Ју, потврди денеска дека имало конфронтација, но не го прецизираше судирот.
Филипинскиот претседател Фердинанд Маркос помладиот денеска изјави дека патролните бродови на неговата земја ќе продолжат да бидат присутни во Јужното Кинеско Море, кое Пекинг го смета за своја територија и низ кое минува повеќе од 60 проценти од светската поморска трговија.
Маркос, исто така, рече дека секоја војна околу Тајван би ги вовлекла Филипините во конфликтот и покрај нивната „силна желба“ да избегнат „секаква конфронтација со некого“.
Пекинг го смета Тајван за своја територија и се закани дека ќе употреби сила доколку е потребно за да ја преземе контролата врз него, додека редовно испраќа воени бродови и авиони во областа околу Тајван.
