Градоначалникот на Општина Карпош, Сотир Лукровски, оствари работна средба со градоначалникот на Општина Витина од Република Косово, Сокол Халити, на која биле отворени нови можности за заедничка и прекугранична соработка.
– Во фокусот беа можностите за заедничко аплицирање на јавни повици и искористување на европските фондови за прекугранична соработка, со цел реализација на проекти што ќе имаат конкретна корист за граѓаните. Животната средина и туризмот се меѓу областите со најголем потенцијал за идни заеднички проекти – соопштија од Општина Карпош.
Притоа, додаваат дека преку поврзување на искуствата, ресурсите и потенцијалите на двете општини, се отвора простор за нови иницијативи, одржлив развој и за создавање подобри услови за локалните заедници.
На средбата учествувале и претставници од релевантните сектори на двете општини, при што биле разменети искуства и информации за работата на локалните самоуправи, нивните надлежности и за можностите за идно партнерство.
– Партнерствата меѓу локалните самоуправи се можност за повеќе идеи, повеќе проекти и за подобро искористување на европските средства. Карпош продолжува да гради мостови на соработка и да ги отвора вратите кон нови европски можности – велат од локалната самоуправа.
ИЗДВОЕНИ
Вучиќ призна пораз: Изгубивме!
РИМСКАТА СРЕДБА НА МИТРОПОЛИТОТ ГЕОРГИЈ СО ВСЕЛЕНСКИОТ ПАТРИЈАРХ ВАРТОЛОМЕЈ ОТВОРИ ДИЛЕМИ: Се крши ли мразот меѓу МПЦ-ОА и Вселенската патријаршија?
Синдикалната кошница ѝ избега на платата – еден минималец се троши само за храна и пијалаци
Еден час на скеле чини 150 денари, дали новиот модел ќе им ги зголеми приходите на работниците?
