Канадскиот премиер Марк Карни вети дека ќе возврати „долар за долар“ против американските царини од 50 проценти што ќе стапат на сила во среда, откако двете страни не успеаја да постигнат трговски договор до полноќ во петокот, кога истече рокот поставен од американскиот претседател Доналд Трамп.
Карни објасни дека САД во последен момент се откажале од некои претходно преземени обврски и поставиле нови барања во преговорите, што ја нарушило рамнотежата на одредбите од договорот договорен оваа недела.
Исходот од преговорите носи раскол во неодамнешните односи на Вашингтон со еден од неговите најблиски сојузници и трговски партнери.
„Борбената надворешна политика на американскиот претседател Доналд Трамп ги налути официјалните лица во Отава“, пишува британскиот Гардијан.
Гардијан додава дека до петокот, двете страни беа блиску до договор за намалување на царините за челик, алуминиум и автомобили, но тој обид пропадна во последен момент.
ИЗДВОЕНИ
Пожарот кај Палиград се приближува до куќите: Пожарникарите остануваат цела ноќ, утрово ќе се гасне и од воздух
Западнонилската треска зема уште ден живот, петта жртва од вирусот во земјава
Над 20 пожари низ Македонија, критично во Струмичко: Огнот се приближи до куќи
Деца од Тетово пакувале дрога во работилница
